Þessi færsla er ekki kostuð.
Loksins er nýja íbúðin byrjuð að breytast í heimili en á seinustu viku er helling búið að ske. Þegar við
fengum afhent í byrjun maí rifum við gamla parketið af, tókum burt forstofuskápinn, máluðum alla
íbúðina og settum nýtt parket á. Bara þessir litlu hlutir gjörbreyttu íbúðinni en svo ætluðum við líka
að lakka hurðarnar hvítar en áður voru þær dökkbrúnar sem er ekki alveg okkar stíll. Eftir nánari
skoðun kom í ljós að hurðarnar voru orðnar mjög gamlar og því væri betra fyrir okkur að kaupa
nýjar hurðar og skipta þeim gömlu út. Það var loksins klárað núna í seinustu viku og er breytingin
svakaleg! Mér fannst við þurfa að klára þessa stærri hluti áður en við byrjuðum á litlu hlutunum en
um leið og hurðarnar kláruðust plataði ég stjúppabba minn og Níels að hengja upp nokkra hluti fyrir
Frosta. Ég er búin að bíða svo spennt að gera fallegt rými fyrir hann og er ég alveg í skýjunum með
hvernig allt kom út. Hann er ennþá að sofa inn í okkar herbergi svo við gerðum hornið hans þar
aðeins meira kósý og svo hengdum við upp String hillu og settum kommóðu inn í herbergið hans.
Ætla að deila með ykkur fleiri myndum og hvaðan hlutirnir eru
Hornið hans inni í okkar svefnherbergi. Rúmið, sængurverin, hvíti stjörnukoddinn, kanínubangsinn, himnasængin, vasinn á rúminu og óróinn er úr Petit. Grái koddinn og náttljósið er úr Dimm og er
myndin fyrir ofan rúmið frá The Birth Poster.
Inni í hans herbergi. Kommóðan er Malm úr Ikea og hillan er String úr Epal. Kanínumyndin er af
Etsy, blái vasinn er úr Kúnígúnd, Baby's First Book er úr Petit, viðarstafirnir eru frá Liewood og eru
úr Dimm, vasinn er Lyngby, pandan er úr Petit, skórnir eru frá Adidas, fíllinn er úr Epal, músin í
kassanum úr Petit og fótafarið gerði ég sjálf.
Post a Comment
Þessi færsla er ekki kostuð.
Eins og ég sagði ykkur frá í seinustu færslu þá fengum við String hillu í jólagjöf en var þannig
dökk hilla búin að vera á óskalistanum í smá tíma. Mig langaði upprunalega í svarta en sú sem
við fengum er úr gullfallegum dökkdökkdökkbrúnum við sem er ennþá fallegri finnst mér - ég
ákvað að setja hana upp á veggnum á móti rúminu okkar inn í svefnherbergi en mig langaði
aðeins að breyta til þar og einnig langaði mig í smá stað fyrir dótið hans Frosta þar sem hann
er enn að deila herbergi með okkur. Ég er ekkert smá ánægð með útkomuna en það er alveg
magnað hvað svona litlar breytingar geta gert mikið. Það sést einnig glitta í nýja fallega
Eclipse lampann minn frá HAF Store sem Níels gaf mér í jólagjöf - hann er svo fallegur ♡
String Pocket hilla í Oiled Smoked Oak (fæst í Epal) Baby's First Book (fæst í Petit) Maileg mús (fæst í Petit)
Sebra pönduhringla (fæst í Petit) Pom Pom lakkskór (fæst í Petit) Lyngby vasi (fæst í Epal) Fíll (fæst í Epal)
Sebra pönduspiladós (fæst í Petit) Liewood stafakubbar (fæst í Dimm)
Þið vitið það eflaust að ég elska allt sem tengist heimilinu og breytingum á því en um helgina réðst ég
í smá breytingar á veggnum fyrir ofan eldhúsborðið okkar. Þegar við fluttum inn fyrir fimm árum var
nagli í veggnum og síðan þá höfum við alltaf verið með eina mynd á veggnum. Mér fannst myndirnar
alltaf týnast smá og vera smá einmanna svo mig langaði aðeins að bæta við vegginn og datt því í hug
að gera ,,mini" myndavegg eins og ég gerði fyrir ofan sófann okkar í fyrra (sjá færslu um hann HÉR).
Þegar maður gerir svona myndaveggi þá finnst mér nauðsynlegt að hugsa sig vel um hvernig manni
langar að hafa hann og reikna vel út hvar hver mynd á að vera staðsett. Ég var í alveg nokkrar vikur
að ákveða hvernig mig langaði að hafa þennan vegg en upprunalega ætlaði ég að bæta við tveimur
litlum myndum við hliðina á þessari stærri (þessi stærri var ein á veggnum fyrir). Þegar ég sá svo
þennan veggstjaka á Instagram hjá HAF Store þá varð ég að eignast hann og ákvað að setja hann fyrir
ofan litla mynd og er ég ekkert smá ánægð með útkomuna. Það er svo ótrúlega kósý á kvöldin að
kveikja á kertinu en þessi stjaki er einn sá fallegasti sem ég hef séð ♡
Stór mynd frá Desenio.com - Lítil mynd af Etsy - HAF Studio veggstjaki (fæst í HAF Store) - Lynbgy
vasi (fæst í Epal) - Stoff kertastjaki (fæst í Snúrunni) - Victorian Animal ilmkerti (fæst í Snúrunni).
Þessi færsla er ekki kostuð // Stjörnumerktar vörur voru fengnar sem gjöf en annað keypti ég mér sjálf.
Mér finnst alveg magnað hversu hratt tíminn líður þessa dagana. Ágúst er að verða hálfnaður og það
er orðið ansi haustlegt á kvöldin sem ég hata nú ekki þar sem haustið og veturinn finnst mér svo kósý
tími. Þetta haust verður ennþá meira kósý þar sem von er á litla kallinum okkar núna 23. október og
munum við því eyða miklum tíma saman heima að kúra. Ég hef verið ágætlega dugleg að undirbúa
allt saman en kosturinn við að vera ekki að vinna (flugfreyjur mega bara vinna að 16. viku svo ég
hef verið í leyfi síðan í Maí) er að ég hef rosa mikinn tíma til að gera og græja. Ég er búin að fara í
gegnum alla skápa og skúffur hér heima, sortera og henda og gera pláss fyrir dótið hans. Hann verður
inni hjá okkur til að byrja með og því er ég með öll föt í minnstu stærðunum í kommóðunni þar og
svo stærri föt inn í aukaherbergi.
Í dag dró ég Níels með mér í Ikea en ég hafði séð á Pinterest sniðuga lausn þar sem Raskog vagninn
úr Ikea var notaður undir barnadót eins og bleyjur, blautþurrkur og taubleyjur og ákvað ég að fá mér
svartan til þess að geyma nákvæmlega þessa hluti í. Ég á eftir að kaupa bleyjur og þess háttar og því
geymi ég dúllerí í vagninum í augnablikinu en ég elska þessa lausn fyrir þá sem eru ekki með mikið
pláss en við erum til dæmis ekki með skiptiborð til að geyma þessa hluti á. Það er einnig ótrúlega
þægilegt að geta rúllað vagninum um alla íbúð og svo seinna meir er hægt að breyta honum í bar
eða geyma snyrtivörur í honum - Raskog vagninn fæst í þremur litum í Ikea og kostar einungis
6.990 krónur ♡
Taubleyjur frá Cam Cam og fást í Bíum Bíum - Vans skór keyptir í Feneyjum - Jellycat kanína og Konges Slojd
ljón úr Petit - Garbo & Friends leikteppi og skiptidýna* fæst í Dimm.
Þessi færsla er ekki kostuð.
Lokins - stundum get ég alveg tekið allan tímann í heiminum að koma hlutum í verk en stundum
verða þeir að gerast helst í gær. Við fengum þetta gullfallega veggljós frá Design by Us sem fæst í
Snúrunni í jólagjöf í fyrra og tók það okkur ekki nema sjö heila mánuði að finna stað fyrir það og
að setja það upp. Íbúðin okkar er ekki sú stærsta og fann ég aldrei neitt veggpláss fyrir ljósið en
þetta litla horn fyrir ofan sófann var alltaf ofarlega í huganum. Mér fannst veggurinn samt ekki
nægilega stór (stofuglugginn er við hliðina á) til þess að ljósið gæti notið sín sem best en við
ákváðum svo bara að prófa að setja það upp þar og vá, ég er ekkert smá ánægð með útkomuna.
Þrátt fyrir að veggurinn er ekki stór þá kemur ljósið ótrúlega vel út og skil ég ekki af hverju við
vorum ekki löngu búin að þessu. Ljósið var lengi búið að vera á óskalistanum mínum og er ég
ennþá svo ástfangin af því - það er svo fallegt og gerir allt svo hlýlegt og kósý. Ég var með lampa
á litlu HAY hliðarborði við hliðina á sófanum en ég færði hann inn í herbergi og setti frekar stóran
vasa á borðið með eucalyptus greinum og er breytingin æðisleg ♡
New Wave Optic veggljósið fæst í Snúrunni og kostar 49.900 kr.
Þessi færsla er unnin í samstarfi við Byko.
Þá er komið að því að deila með ykkur seinasta rýminu í íbúðinni í samstarfi mínu við Byko. Ég er
búin að sýna ykkur fyrir og eftir myndum af eldhúsinu okkar (sjá hér) og stofunni (sjá hér) og nú er
komið að svefnherberginu okkar. Mér fannst breytingin á þessu rými svakaleg en eins og þið sjáið á
fyrir myndunum þá var öðruvísi parket þar heldur en var í stofunni - það var miklu dekkra og hlýrra
og passaði enganvegin inn í stílinn okkar. Það fór líka mjög í taugarnar á mér að parketin mættust í
dyragættinni hjá svefnherberginu (sem gengið er inn í úr stofunni) og var flæðið alls ekki fallegt. Nú
eftir að við settum 8 mm harðparket í litnum Lancaster Oak frá Krono Original úr Byko er flæðið svo
fallegt og einnig birti svakalega til inn í svefnherbergi. Gamla parketið var einnig brotið við endann á
rúminu svo ég neyddist til að hafa mottu þar til að fá ekki flís af því og nú er ég svo ánægð að sleppa
við það vesen og mottuna líka. Við völdum okkur svo gólflista sem eru líkir parketinu í lit úr Byko
líka og er ég mjög ánægð með þá og allt saman. Við fengum mjög góða þjónustu yfir allt ferlið þegar
við vorum dugleg að heimsækja verslunina og velja parketið sem tók smá tíma. Hér fáið þið fyrir og
eftir myndirnar af svefnherberginu ♡
FYRIR
EFTIR
Þessi færsla er unnin í samstarfi við Slippfélagið.
Fyrir nokkrum mánuðum fékk ég þá flugu í hausinn að mála gráa vegginn inn í svefnherberginu
okkar en mig langaði í mun dekkri lit á vegginn. Eftir að ég skipti um parket þá fannst mér gamli
liturinn of ljós og ekki passa eins vel við parketið svo ég fór í Slippfélagið og fékk nokkrar prufur
af litum sem ég prófaði svo á vegginn. Eftir smá pælingar ákvað ég lit og lét loksins verða að því
í gær að mála vegginn - stuttu eftir að ég sótti málninguna og allar græjur komst ég af óléttunni og
eins og þið munið eflaust þá var ég það slöpp að ég kom engu í verk fyrstu vikurnar en loksins er
allt að ske heima við. Mér brá smá fyrst við litnum en hann er mikið dekkri en sá gamli og breytingin
er mikil en ég er alveg í skýjunum með útkomuna og finnst allt vera miklu meira notalegra en áður
fyrr. Mér finnst svo kósý þegar svefnherbergi eru máluð í dökkum lit en liturinn sem við völdum
heitir Hrafnagrár og er æðislegur - hann er aðeins ljósari en Skuggi sem mig langaði upprunalega í
en Níels samþykkti hann ekki. Liturinn tónar fullkomnlega við svefnherbergið og er ótrúlega fallegt
að hafa ljóst á móti. Næsta verkefni er að gera sætt barnahorn inn í svefnherbergi og er ég mjög
spennt að byrja á því og deila með ykkur - við ætlum að hafa hann inni hjá okkur fyrstu mánuðina
áður en hann fer í sitt eigið herbergi. Hér fyrir neðan sjáið þið eftir myndirnar ♡
spennt að byrja á því og deila með ykkur - við ætlum að hafa hann inni hjá okkur fyrstu mánuðina
áður en hann fer í sitt eigið herbergi. Hér fyrir neðan sjáið þið eftir myndirnar ♡
Þessi færsla er unnin í samstarfi við Byko.
Þá er kominn tími til að deila með ykkur fyrir og eftir myndum af næsta rýminu í samstarfi við Byko.
Eins og ég sagði ykkur í þessari færslu sem ég birti um daginn þá skiptum við um gólfefni á öllum
rýmum nema baðherberginu og völdum við okkur ótrúlega fallegt 8mm harðparket úr Byko - parketið
heitir Lancaster Oak og er frá Krono Original. Við erum svo ánægð með breytinguna og ætla ég að
deila með ykkur fyrir og eftir myndum af stofunni. Áður var gamalt plastparket á gólfunum þar sem
var í ágætu standi þrátt fyrir háan aldur en helsta vandamálið var að það brakaði svo svakalega í því
þegar gengið var á því. Brakið var að gera okkur smá brjáluð og erum við ekkert smá ánægð að vera
laus við það í dag. Nýja parketið kemur svo vel út á stofunni og birtir það íbúðina upp sem ég elska.
Ég elska líka flæðið á íbúðinni núna en eins og ég nefndi í seinustu fyrir og eftir færslu þá var annað
gólfefni á eldhúsinu og svefnherberginu svo flæðið var ekkert - nú er eins gólfefni á öllum rýmum og
það er svo fallegt hvernig það flæðir inn í næsta rými án þröskulda. Ég ætla að leyfa myndunum að
tala en þær segja ansi mikið ♡
deila með ykkur fyrir og eftir myndum af stofunni. Áður var gamalt plastparket á gólfunum þar sem
var í ágætu standi þrátt fyrir háan aldur en helsta vandamálið var að það brakaði svo svakalega í því
þegar gengið var á því. Brakið var að gera okkur smá brjáluð og erum við ekkert smá ánægð að vera
laus við það í dag. Nýja parketið kemur svo vel út á stofunni og birtir það íbúðina upp sem ég elska.
Ég elska líka flæðið á íbúðinni núna en eins og ég nefndi í seinustu fyrir og eftir færslu þá var annað
gólfefni á eldhúsinu og svefnherberginu svo flæðið var ekkert - nú er eins gólfefni á öllum rýmum og
það er svo fallegt hvernig það flæðir inn í næsta rými án þröskulda. Ég ætla að leyfa myndunum að
tala en þær segja ansi mikið ♡
EFTIR
Þessi færsla er unnin í samstarfi við Byko.
Jæja, þá get ég loksins deilt með ykkur fyrstu fyrir og eftir myndunum af nýja gólfefninu okkar. Eins
og ég sagði ykkur frá fyrir um það bil tveimur mánuðum þá skiptum við um gólfefni á allri íbúðinni
okkar en við vorum með fjögur mismunandi gólfefni sem var að mínu mati hrikalegt - það var korkur
á eldhúsinu, plastparket á stofunni og öðru svefnberherginu, öðruvísi dekkra parket á hinu herberginu
og svo flísar inn á baði. Fyrir svona litla íbúð var þetta allt of mikið af hinu góða og voru gólfefnin
orðin mjög gömul og lúin svo það var löngu kominn tími til að skipta. Mig langaði að fá mér fallegt
og látlaust harðparket og hafa það í öllum rýmum nema að sjálfsögðu baðherberginu - ég fór á milli
staða og skoðaði mismunandi parket og eftir langt ferli þá urðum við Níels loksins sammála um eitt
parket frá Byko. Við enduðum á því að velja parketið Lancaster Oak frá Krono Original en er það
ótrúlega fallegt og vandað 8mm harðparket sem er ekki of hlýtt og ekki of kalt - ég vildi fá frekar
ljóst parket þar sem það passar við stílinn okkar og erum við bæði í skýjunum með valið enda er
breytingin mikil og íbúðin allt önnur.
ótrúlega fallegt og vandað 8mm harðparket sem er ekki of hlýtt og ekki of kalt - ég vildi fá frekar
ljóst parket þar sem það passar við stílinn okkar og erum við bæði í skýjunum með valið enda er
breytingin mikil og íbúðin allt önnur.
Við fengum hjálp við að leggja parketið í byrjun febrúar en kláruðum ekki að setja gólflista fyrr en
í seinustu viku þar sem ferlið fór í smá pásu eftir að ég komst að því að ég væri ólétt - ég lá heima
ælandi í nokkrar vikur og því í alls engu standi til að sjá um heimilisbreytingar. Loksins er allt klárt
og er ég svo ánægð með breytinguna en hún er rosaleg að mínu mati og varð ég eiginlega ástfangin
af íbúðinni minni upp alveg upp á nýtt. Mig langar að byrja á því að deila með ykkur fyrir og eftir
myndum af eldhúsinu en þar fannst mér breytingin vera mest. Eins og ég nefndi þá var dökkgrár
korkur á eldhúsinu þegar við keyptum íbúðina og því birti það svo til þegar við settum parketið.
Við settum líka líka parket á sökkulinn eins og þið sjáið á myndunum og mér finnst það koma svo
vel út og gerir flæðið miklu betra. Ég er svo spennt að deila með ykkur fleiri fyrir og eftir myndum
en ég á eftir að sýna ykkur stofuna og svefnherbergin en ég mun gera það á næstu vikum ♡
ælandi í nokkrar vikur og því í alls engu standi til að sjá um heimilisbreytingar. Loksins er allt klárt
og er ég svo ánægð með breytinguna en hún er rosaleg að mínu mati og varð ég eiginlega ástfangin
af íbúðinni minni upp alveg upp á nýtt. Mig langar að byrja á því að deila með ykkur fyrir og eftir
myndum af eldhúsinu en þar fannst mér breytingin vera mest. Eins og ég nefndi þá var dökkgrár
korkur á eldhúsinu þegar við keyptum íbúðina og því birti það svo til þegar við settum parketið.
Við settum líka líka parket á sökkulinn eins og þið sjáið á myndunum og mér finnst það koma svo
vel út og gerir flæðið miklu betra. Ég er svo spennt að deila með ykkur fleiri fyrir og eftir myndum
en ég á eftir að sýna ykkur stofuna og svefnherbergin en ég mun gera það á næstu vikum ♡
Subscribe to:
Posts (Atom)