Þessi færsla er unnin í samstarfi við Selected.
Eins og ég er endalaust búin að vera að tala um þá er svo mikið af fallegum haustflíkum að streyma í
búðirnar um þessar mundir og gerir það mig ótrúlega spennta! Ég er alltaf sérstaklega spennt að sjá
hvað er að koma í Selected sem er ein af mínum uppáhalds verslunum hér heima. Um daginn kom
þessi gullfallega kápa í verslanir og ég var ekki lengi að næla mér í eitt stykki! Hún er gjörsamlega
fullkomin að mínu mati og er ég svo ánægð með hana - hún rauk út á aðeins nokkrum dögum eftir
að hún kom sem mér finnst nú ekki skrýtið. Ég beið því aðeins með að deila henni með ykkur (og
eignaðist meira að segja barn í millitíðinni eins og þið sjáið á myndunum) en loksins er hún komin
aftur í verslanir. Liturinn á henni er fullkominn og er sniðið á henni svo einfalt og klassískt - þetta
er flík sem ég mun eiga lengi og sem passar við gjörsamlega allt!
Kápan er núna komin aftur í verslanir Selected í Kringlunni og Smáralind og kostar hún
25.990 krónur.
Post a Comment
KJÓLL: SELECTED TASKA: SAINT LAURENT SÓLGLERAUGU: QUAY AUSTRALIA
Halló frá hitanum á Ítalíu! Ég ætlaði að vera miklu duglegri að blogga á meðan ég væri úti en ég
komst að því stuttu eftir að ég kom að Ítalar eru ekki með bestu nettenginguna og er ég búin að
vera í takmörkuðu netsambandi seinustu tvær vikur og því hef ég einbeitt mér helst að því að deila
með ykkur ferðinni í gegnum Snapchat (@alexsandrabern) og Instagram (@alexsandrabernhard)
hjá mér. Nú er ég komin í ágætt samband og get byrjað að deila ferðinni með ykkur hér á blogginu
ásamt þeim þúsund myndum sem ég hef tekið. Við flugum út í byrjun Júní til Rómar þar sem við
eyddum þremur dögum og einmitt þar sem þessar myndir voru teknar. Við leigðum okkur íbúð þar
í gegnum Airbnb og vorum á æðislegum stað miðsvæðis - við eyddum dögunum okkar í Róm að
skoða okkur um, skoða hringleikhúsið, borða nóg af pasta og pítsum og bara njóta. Róm er mjög
falleg borg en á sama tíma vorum við öll mjög glöð að komast í burtu frá henni eftir tímann okkar
þar en magnið af sölumönnum á götunum er yfirgnæfandi og eru þeir mjög ágengir sem okkur fannst
mikill ókostur við borgina. Aftur á móti var maturinn, veðrið og sagan mjög heillandi.
Ég kíkti í eina af mína uppáhalds verslunum, Selected, áður en ég fór út og fékk að velja mér nokkrar
flíkur til að taka með mér út og er þessi dökkblái kjóll meðal þeirra. Ég heillaðist af honum um leið
og hef notað hann mikið hér úti. Hann er ótrúlega léttur og á þessum tíma meðgöngunar þegar ekkert
passar lengur þá er hann mjög kærkominn. Selected er bæði í Kringlunni og Smáralind og kostaði
kjóllinn 14.990 krónur ♡
Kápuna keypti ég mér sjálf.
Já halló allir saman - ég vona að þið munið ennþá eftir mér en ég er heldur betur búin að vera slöpp
hér inn á og á hinum samfélagsmiðlunum mínum. Ég er búin að vera í mikilli lægð seinustu vikurnar
en þegar ég er föst í lægð þá er ég ekki að reyna að kreista úr mér efni enda vill ég frekar mynda og
blogga þegar mig langar til þess. Ég finn að ég er orðin mun skárri nú þegar snjórinn er farin og sólin
byrjuð að sjá sig en ég nýtti einmitt tækifærið í dag þar sem birtan var æðisleg að mynda nokkrar
flíkur og vörur sem ég mun deila með ykkur á næstu dögum. Svo styttist einnig í að ég geti deilt með
ykkur fyrir/eftir myndum af heimilisbreytingunum en við eigum bara eftir að setja listana á gólfin og
mála vegginn inn í svefnberhergi í dekkri lit - ég get ekki beðið eftir að klára það og deila svo með
ykkur lokaútkomunni!
Eitt af því sem ég myndaði í dag var nýjasta viðbótin í fataskápnum en eins og ég var búin að nefna
áður þá var ég í ströngu verslunarbanni í Febrúar. Það var gott að klára það en á sama tíma er ég
búin að vera mjög dugleg að missa mig ekki í að versla þar sem markmiðið mitt í ár er að versla
mér fáar en vandaðar flíkur og hugsa mig aðeins um áður en ég kaupi eitthvað. Það var einmitt
það sem ég gerði með þessa kápu en ég hafði séð hana fyrir nokkrum vikum þegar ég heimsótti
Selected og ég kolféll fyrir henni strax. Ég ákvað að kaupa hana ekki við fyrstu sýn heldur fór ég
heim og hugsaði málið í nokkra daga - þetta er snilldarráð og svínvirkar en ég hef hætt við nokkur
kaup eftir að ég byrjaði á þessu. Ef ég er enn að hugsa um flíkina nokkrum dögum seinna, þá leyfi
ég mér hana mögulega en eftir tvær vikur gat ég ekki hætt að hugsa um þessa kápu og því fékk
hún að koma með mér heim fyrir helgi. Þetta voru heldur betur góð kaup en ég hef notað kápuna
mikið eftir að ég fékk hana enda er hún fullkomin - ég elska litinn og sniðið á henni og er hún
ekki of þykk svo hún er fullkomin yfir þykkar peysur þegar það er ennþá kalt og yfir eitthvað
léttara núna í vor ♡
Kápuna keypti ég í Selected Smáralind og kostaði hún 37.990 krónur.
Þessi færsla er unnin í samstarfi við Selected á Íslandi.
Ég er ein af þeim sem fer að kaupa jólagjafir og kem alltaf með eitthvað smá heim fyrir sjálfa mig. Ég
gerði auðvitað enga undantekningu í dag en áðan kíktum við í Kringluna að klára jólagjafirnar og ég
skaust aðeins inn í Selected en ég elska að Selected Femme er núna fáanlegt í Kringlunni því það er
mun styttra fyrir mig að fara. Ég var búin að sjá þessa fölbleiku peysu áður og ég varð að eignast
hana - ég elska þennan lit og slaufan á ermunum gerir hana svo skemmtilega. Hún er fullkomin við
þessar svörtu lausu buxur sem eru líka nýlegar úr Selected og mun ég eflaust nota hana mikið, bæði
hversdags og við fínni tilefni en hún er fullkomin í jólaboðin sem eru framundan ♡
Á leið á kassann rakst ég svo á þennan kjól og var ég ekki lengi að grípa hann með. Ég var búin að
ákveða að kaupa mér ekki kjól fyrir aðfangadag eða áramótin en um leið og ég sá þennan þá hugsaði
ég hversu fullkominn hann verður á áramótunum. Liturinn á honum er gullfallegur og er ég eiginlega
að missa mig yfir honum - sniðið á kjólnum er líka fullkomið en ég hef lengi elskað svona ,,wrap"
kjóla en þeir eru svo fallegir og á sama tíma ótrúlega þægilegir. Ég er svo spennt að klæðast honum
á áramótunum og fagna nýja árinu í honum við svarta hæla og við nýja hárið mitt en ég á tíma í
klippingu á milli jóla og nýárs, en meira um það seinna.
Peysan kostaði 5.990 krónur og tók ég hana í stærð S og kjóllinn kostar 11.990 krónur og tók
ég hann í stærð M - Selected Femme fæst bæði í Kringlunni og Smáralind ♡
Þessi færsla er unnin í samstarfi við Selected á Íslandi.
Ég fékk það yndislega verkefni að deila með ykkur dressi úr einni af minni uppáhalds búð hérna
heima, Selected. Það er skemmtilegt tilefni en í dag opnaði Selected nýja verslun í Kringlunni og
er hún ótrúlega falleg. Það besta við nýju búðina er að loksins er komin Selected Femme deild í
Kringluna en hún var áður alltaf bara í Smáralindinni - nú er ótrúlega stutt fyrir mig að kíkja á
úrvalið og gleður það mig mjög! Í dag er miðnæturopnun í Kringlunni og því er allt í Selected
á 20% afslætti - það er um að gera að nýta sér það en ég kolféll fyrir þessu setti þar í dag og
kom það með mér heim ásamt þessum blúndubol sem ég er í undir settinu og ótrúlega kósý
ullarpeysu sem mig hlakkar til að sýna ykkur sem fyrst. Ég er með æði fyrir svona settum í
augnablikinu og er æðislegt úrval af þeim í búðinni núna en ég elska munstrið á þessu og
hvernig jakkinn er bundinn í mittið! Veislan endar ekki í dag en á morgun er opnunarpartý
í Selected Kringlunni frá klukkan 17-19 og þar verður 20% afsláttur og sérstök tilboð - mæli
með að kíkja ♡
ÉG ER Í:
SELECTED buxur - 11.990 krónur
SELECTED kimono jakki - 12.990 krónur
SELECTED blúndubolur - 4.290 krónur
Þessi færsla er unnin í samstarfi við Selected á Íslandi.
Í gær lá ég í rólegheitunum úti á bakvið í tölvunni þegar þessi skyrtukjóll greip athygli mína. Ég vissi
um leið að ég þyrfti að eignast hann enda elska ég skyrtukjóla og hvað þá þegar þeir eru í uppáhalds
litnum mínum! Kjóllinn er úr Selected í Smáralind sem er ein af mínum uppáhalds verslunum hér
heima og ég gat gjörsamlega ekki beðið eftir að sýna ykkur hann svo ég dobblaði góða vinkonu að
taka nokkrar dress myndir af honum. Ég klæddist honum yfir svartan blúndukjól en það er fullkomið
að vera í þannig kjól undir þar sem það er svo fallegt þegar það sést aðeins í blúnduna að neðan. Þessi
er fullkominn í sumar, bæði hér heima og erlendis. Hann kostaði 15.490 krónur ♡
Myndir teknar af Þórunni Ívars.
Buxurnar keypti ég mér sjálf.
Um daginn fór ég á ótrúlega skemmtilegan viðburð en vinkona mín hún Þórunn Ívars hélt viðburð í
samstarfi við MAC þar sem verið var að kynna nýja línu sem er núna komin í sölu hjá þeim.
Línan er ekkert smá falleg og mæli ég með að kíkja á hana í MAC í Smáralind. Fyrir viðburðinn
kíkti ég í Selected í Smáralind þar sem mig langaði að finna mér eitthvað til að vera í og auðvitað
kom ég ekki tómhent heim. Ég fann mér ótrúlega fallegan bol sem ég var í við svartar gallabuxur
en svo kom ég líka heim með þessar buxur. Ég sá þær á herðatrénu og var ekki alveg viss en ég
ákvað að taka þær heim og máta og vávv, ég var í sjokki yfir því hversu fallegar og klæðilegar
þær eru. Ég var alveg að fara út fyrir þægindarammann minn með þessum kaupum en ég sé
sko alls ekki eftir þeim þar sem ég er ástfangin af þessum buxum. Þær eru fullkomnar við hæla
og svo er þessi peysa sem ég keypti mér á útsölunni í Topshop fullkomin við, elska ermarnar á
henni en þetta eru svona "bell sleeves" sem ég er svo hrifin af ♡
Buxurnar fást í Selected Smáralind og kosta 11.990 krónur - ég tók þær í stærð 38.
Þessi færsla er unnin í samstarfi við Selected á Íslandi // Peysuna fékk ég sem gjöf.
Halló - ég er mætt aftur í rútínu eftir smá lægð en ég þurfti bara smá pásu bæði frá blogginu og frá
helstu samfélagsmiðlum í nokkra daga. Það var bara nokkuð yndislegt að fá smá pásu en ég eyddi
helginni minni í góða veðrinu í Flórída og kom svo beint heim í páskamat til mömmu. Mig langaði
að sýna ykkur nýja peysu sem ég fékk fyrir helgi en hún er strax orðin uppáhalds í augnablikinu og
verður eflaust mikið notuð. Ég kolféll fyrir henni um leið og ég sá hana og hugsaði hversu fullkomin
hún yrði í vor og sumar yfir létta kjóla - hún er nefnilega úr Merino ull og er því mjög hlý!
Hún er úr einni af minni uppáhalds verslunum hér heima, Selected, sem er í Smáralind. Ég var í smá
vandræðum með að velja mér lit en peysan er til í þremur litum - þessum dökkbláa sem ég valdi mér
(það eru samt bara nokkrar eftir í þeim lit) og svo líka í svörtu og ljósgráu. Fullkomin gæðaflík sem
passar við allt og mun duga mér lengi - hún kostar 15.990 og ég tók hana í stærð Medium ♡
Subscribe to:
Posts (Atom)