Þá erum við komin aftur heim eftir yndislegar tvær vikur á Ítalíu. Eins og ég sagði ykkur frá í fyrri
færslu þá byrjuðum við ferðina á því að eyða þremur dögum í Róm með pabba mínum, konunni
hans og systrum en plönin breyttust aðeins sökum seinkunar á fluginu þeirra frá Íslandi - þau komu
því ekki fyrr en deginum á eftir okkur svo við höfðum heilan dag tvö saman til þess að ráfa um og
kynnast borginni aðeins áður en við tókum túristadag saman með þeim. Róm er ótrúlega falleg borg
með mikla sögu en verð ég að viðurkenna að ég fýlaði mig þúsund sinnum betur á næsta áfangastað
okkar sem ég mun deila með ykkur næst ♡
Post a Comment
Orðatiltækið ,,betra seint en aldrei" á mjög vel við akkúrat núna en ég er loksins að deila með ykkur
nokkrum myndum frá ferðinni okkar Þórunnar og Gyðu til Stokkhólmar í byrjun Nóvember. Við
vorum svo heppnar að fá tækifæri til að heimsækja borgina í boði Keflavíkurflugvallar og var þetta
besta helgi ársins klárlega! Mig hafði lengi dreymt um að heimsækja Stokkhólm enda elska ég allt
sem er sænskt og var þetta því draumaferðin mín! Við gistum á hóteli sem heitir Haymarket by
Scandic og getum við allar mælt með því hóteli - við gistum í þaksvítu með æðislega fallegum
glugga sem var með útsýni yfir borgina, tveimur baðherbergjum og stóru svæði þar sem við gátum
gert okkur til allar saman. Ég ætla að leyfa myndunum að tala en vá hvað ég varð miklu skotnari
í borginni en áður og langar mig ótrúlega að heimsækja hana aftur þegar það byrjar að vora.
Annars var ég að klára lokaprófin í skólanum í vikunni og í dag kláraði ég seinasta vinnudaginn
minn í bili en eftir helgi byrja ég í þriggja vikna vetrarfríi yfir jólin - ég er ótrúlega spennt að fá
smá tíma fyrir mig en eftir að ég byrjaði í mastersnáminu og auðvitað í 100% vinnu með hefur
verið ótrúlega mikil keyrsla. Ég er því svo spennt að eyða tíma með vinum og fjölskyldu og að
gera gjörsamlega ekkert í smá tíma. Ég er auðvitað samt með smá verkefni en eftir áramót ætlum
við að skipta um gólfefni á íbúðinni okkar og hlakkar mig mjög til að deila því ferli með ykkur ♡
Jæja, þá er ég loksins komin með tölvuna mína aftur og get því haldið áfram að deila með ykkur
myndum frá Suður Frakklandi. Nú erum við komin á fjórða daginn okkar í þessari paradís en sá
dagur var að mínu mati sá skemmtilegasti í allri ferðinni. Það er svo margt að skoða þegar maður
er staddur í Frönsku Rivíerunni og náðum við til dæmis ekki að skoða allt sem okkur langaði. Við
náðum þó á þessum eina degi að eyða honum á þremur stöðum - Villefrance-Sur-Mer, Monaco og
í Nice. Villefrance-Sur-Mer er án efa fallegasti staðurinn sem við heimsóttum og mæli ég með að
kíkja á hann ef þið eruð stödd í Suður Frakklandi. Þetta er lítill bær sem er staðsettur við ströndina
á milli Nice og Monaco og vá hvað hann heillaði. Stöndin er æðisleg, sjórinn tær, bleik hús út um
allt og þvílíkt fallegt. Við röltum um bæinn og fengum okkur hádegismat meðfram sjónum! Það
er varla hægt að lýsa þessu eitthvað betur en ég leyfi myndunum að tala.
Næsta stopp hjá okkur var Monaco. Ég tók því miður ekki mikið af myndum þar og við eyddum
líka ekki það miklum tíma þar en vá, það er allt svo fallegt þarna. Við röltum aðeins um, skoðuðum
Monte Carlo spilavítið, fengum okkur drykki meðfram sjónum og slökuðum vel á. Mig langar
klárlega að eyða meiri tíma í Monaco næst þegar ég fer til Suður Frakklands! Á leiðinni tilbaka
stoppuðum við í Nice og fengum okkur kvöldmat á stað sem heitir Sentimi og er við Place Garibaldi.
Maturinn þar var mjög góður og get ég því mælt með honum ef þið eigið leið hjá!
Næsta dag ákváðum við að taka því rólega og kíkja á strönd sem ég hafði séð sem er staðsett
á Saint-Cap-Jean-Ferret. Ströndin heitir Paloma Beach og ég var svo spennt að kíkja á hana
miðað við myndirnar sem ég var búin að sjá. Því miður fór dagurinn ekki eins og við vorum
búin að vona og kynntumst við því vel hversu pirrandi það getur verið að vera ferðamaður á svona
stað um mitt sumar. Það var gjörsamlega pakkað á ströndinni og alls staðar í kring. Ekki nóg með að
það tók okkur góðan klukkutíma að keyra að ströndinni þá var ekkert stæði laust nema 5 km í burtu
og því endaði dagurinn okkar frekar illa. Við vorum orðin vel pirruð og ákváðum því að kíkja á
aðra strönd sem var nær okkur en eins og við var að búast var gjörsamlega pakkað á henni. Við
fórum því bara aftur upp á hótel og eyddum deginum í slökun þar. Ef þið farið til Suður Frakklands
að sumri til þá er gott að hafa í huga að það er fáranlega mikið af fólki þar og gott er að panta pláss
á ströndinni með nokkurra vikna fyrirvara! Ég mun klárlega hafa það í huga næst. Það góða við
þennan dag er að við eyddum kvöldinu á æðislegum veitingarstað sem er án efa besti staðurinn
sem við borðuðum á þarna úti (fyrir utan Michelin staðina). Á sunnudögum er flest allt lokað í
Nice og þar á meðal veitingarstaðir en við fundum stað sem heitir HANgout og vá, þið bara
verðið að fara á hann ef þið eruð stödd í Nice!
Seinasti dagurinn okkar var mjög rólegur og því er ég ekki með neinar myndir frá honum en
vá hvað mig langar að fara aftur út þegar ég skoða þessar myndir. Ég get ekki mæt meira með
því að fara í frí til Suður Frakklands og hlakkar mig mjög til að fara aftur einn daginn ♡
Þá erum við komum heim eftir ÆÐISLEGA viku í Suður Frakklandi eða Frönsku Rivíerunni eins og
það er kallað líka. Eins gott og það er að vera komin heim þá er ég smá á bömmer yfir að vera ekki
ennþá á þessum fallega stað en vá hvað það var yndislegt þarna. Ég ætla að deila fríinu aðeins með
ykkur en þarf að skipta færslunum í tvennt þar sem ég er með aðeins of mikið af myndum til þess að
sýna ykkur. Ég mæli svo með að fara í frí til Suður Frakklands en þetta er einn fallegasti staður sem
ég hef komið á. Það er ekkert beint flug frá Íslandi til Suður Frakklands en við flugum til London
Gatwick með Icelandair og tókum svo flug þaðan til Nice með EasyJet. Við gistum á 4 stjörnu hóteli
rétt fyrir utan bæ sem heitir Saint Paul de Vence sem er í um hálftíma keyrslu frá Nice. Hótelið var
æðislegt en ég hefði viljað vera inn í Nice þar sem keyrslan var frekar löng og smá frá öllu þessu
helsta. Hótelið okkar heitir La Vague De Saint Paul.
Við lentum í Nice um klukkan fimm að degi til og byrjuðum á því að sækja bílaleigubílinn okkar.
Við keyrðum svo á hótelið og vorum komin frekar seint þangað svo við ákváðum að koma okkur
bara fyrir og fá okkur að borða á veitingarstaðnum sem er á hótelinu. Maturinn var æðislegur og
við fórum svo bara stuttu eftir það að sofa enda vel þreytt eftir langt ferðalag. Næsta dag vöknuðum
við og keyrðum til Nice þar sem við eyddum deginum. Við röltum Promenade des Anglais (sem er
strandlengjan), fengum okkur hádegismat og kíktum svo í gamla hverfið sem var ótrúlega gaman.
Eftir smá rölt kíktum við aftur upp á hótel og lágum við sundlaugina áður en við gerðum okkur til
en við áttum pantað borð á Michelin stjörnu veitingarstað inn í Nice um kvöldið. Níels elskar að
borða svo þetta var smá matarferð líka en við fórum á veitingarstað sem heitir JAN og vá, það
var svo gott. Mæli mjög með honum!
Næsta dag lá leið okkar til Cannes en sá bær var í um 45 mínútna fjarlægð frá hótelinu okkar. Ég var
ekki búin að skoða mikið um hvað væri hægt að gera og skoða í Cannes en við tókum smá rölt og
fengum okkur hádegismat. Við byrjuðum á að rölta strandlengjuna áður en við tókum svo gamla
bæinn - Cannes var bara allt í lagi að mínu mati en samt sem áður mjög fallegur bær. Við stoppuðum
auðvitað fyrir framan kvikmyndahúsið þar sem hátíðin er alltaf haldin en svo lá leið okkar til Nice
þar sem við borðuðum kvöldmat, ég verslaði mér dálítið sérstakt sem sést á seinustu myndunum og
lenti í því allra steiktasta. Við vorum hjá Fontaine du Soleil þegar það kemur maður upp að mér og
byrjar bara að raða fuglum á mig upp úr þurru. Áður en ég vissi af var ég komin með 4 fugla á mig
og hvað gerði Níels? Já, hann auðvitað pissaði í sig úr hlátri og horfði bara á!
Næsta dag áttum við pantað borð á tveggja stjörnu Michelin stað sem heitir La Chevre D'Or og er
staðsettur uppi í hæðunum í þorpi á milli Nice og Monaco sem heitir Éze. Við ákváðum að taka því
rólega yfir daginn og eyddum við honum við sundlaugina á hótelinu okkar og í spainu sem var alveg
hreint yndislegt. Við klæddum okkur svo í okkar fínasta púss þar sem það er "dresscode" á staðnum
og því skylda að vera klæddur í "elegant attire". Keyrslan að veitingarstaðnum var æðisleg en næstum
alla leiðina vorum við með útsýni yfir rivíeruna. Að sjá alla smábæina, strendurnar og snekkjurnar var
eitt það fallegasta sem ég hef séð og svo skemmdi útsýnið á veitingarstaðnum alls ekki fyrir en við
sátum bara í sjokki fyrstu mínúturnar. Veitingarstaðurinn er í kastala uppi í hæðunum og gangan að
staðnum var líka gullfalleg. Maturinn var auðvitað æðislegur og mælum við mjög með þessum stað
ef þið hafið mikinn áhuga á mat og fínni matargerð.
Hluti II af ferðinni kemur inn á næstu dögum ♡
Subscribe to:
Posts (Atom)