Hér höfum við seinustu myndadagbókina frá Ítalíuferðinni okkar - eftir vikuna yndislegu í húsinu við
Garðavatn lá leið okkar til Feneyja en þar eyddum við þremur dögum áður en við flugum heim. Ég
verð að viðurkenna að ég var orðin mjög þreytt á þessum tímapunkti og alveg tilbúin að komast heim
en ég hefði samt sem áður aldrei viljað sleppa því að upplifa Feneyjar - eina sem ég hefði viljað gera
öðruvísi er að fara í dagsferð þangað en ekki eyða heilum þremur dögum þar, það fannst mér aðeins
of mikið. Um hásumarið er mjög mikið af fólki þarna og ekki er borgin stór svo á tímabilum var ég
alveg að gefast upp. Borgin er aftur á móti mjög falleg og þess virði að heimsækja! Við í raun gerðum
ekki mikið heldur nutum við okkar að rölta litlu göturnar og borða góðan mat en ég verð að mæla
með veitingarstaðnum La Caravella en þar borðuðum við tvö kvöld í röð - það var það gott og þá
sérstaklega souffle eftirrétturinn, nammm ♡
Post a Comment
Þá er komið að næsta áfangastað okkar á Ítalíu - Garðavatn! Tilefni ferðarinnar var 60 ára afmæli
ömmu minnar og afa en buðu þau börnunum sínum og barnabörnum að fagna með sér úti og voru
þau búin að leigja stórt hús við vatnið sem við eyddum viku í. Ég fékk endalausar fyrirspurnir út
í húsið eftir að ég sýndi það á bæði Snapchat og Instagram og ætlaði ég að vera löngu búin að segja
ykkur frá því. Húsið heitir Villa Puro og er staðsett í fjöllunum fyrir ofan smábæinn Toscolano
fallegasta hús sem ég hef eytt tíma í og er æðislegt þegar svona stór hópur (við vorum 14) er að
ferðast saman að vera í húsi. Garðurinn í kringum húsið er svo stór og var nóg pláss fyrir alla en
það er eitt aðalhús og svo gestahús með tveimur íbúðum. Það er stórt eldhús og stofa en við eyddum
mestum tíma úti í garðinum sem var æðislegur og við sundlaugina. Ég mæli svo með þessu húsi
og þessum stað en það er ekki langt að keyra í aðra smábæi í kring eins og Saló, Sirmione og fleiri.
Ég ætla að leyfa myndunum að tala og segja ykkur aðeins betur frá vikunni okkar við Garðavatn
undir þeim ♡
Hér sjáið þið húsið sem um ræðir - ótrúlega fallegt og algjör paradís að vera í algjörum frið með
fjölskyldunni! Það var ekkert betra en að vakna á morgnanna og labba út úr stofunni á bakvið
í sólina og sjá alla byrjaða að hafa það notalegt við laugina!
Mér fannst miklu skemmtilegra að eyða dögunum mínum í litlu smábæjunum við vatnið heldur en í
stóru borgunum eins og Róm og Feneyjum. Þessir litlu staðir eru svo fallegir og maður er laus við
túristann en við heimsóttum Sirmione, Gardone Riviera og Saló og eru þeir allir gullfallegir. Eitt
kvöldið borðuðum við kvöldmat á stað sem heitir Riva Carne al Fuoco og er staðsettur á fimm stjörnu
hóteli við vatnið. Maturinn var ótrúlega góður og mælum við með honum ef þið eruð þarna!
Svona var ég flesta dagana, ómáluð, ógreidd með smá Monicu hár í bikiníi við sundlaugarbakkann.
Bumban gjörsamlega sprakk út á meðan við vorum úti en þegar þessi mynd er tekin er ég komin
HÉR (auglýsingalinkar).
Einn daginn fórum við í siglingu á vatninu og er það eitthvað sem mér finnst vera must do þegar
maður er við Garðavatn. Þetta var ekkert smá skemmtilegt og ótrúlega fallegt að sjá alla litlu staðina
frá vatninu ásamt því að fá að heyra smá um sögu vatnsins.
Næst: Feneyjar ♡
Þá erum við komin aftur heim eftir yndislegar tvær vikur á Ítalíu. Eins og ég sagði ykkur frá í fyrri
færslu þá byrjuðum við ferðina á því að eyða þremur dögum í Róm með pabba mínum, konunni
hans og systrum en plönin breyttust aðeins sökum seinkunar á fluginu þeirra frá Íslandi - þau komu
því ekki fyrr en deginum á eftir okkur svo við höfðum heilan dag tvö saman til þess að ráfa um og
kynnast borginni aðeins áður en við tókum túristadag saman með þeim. Róm er ótrúlega falleg borg
með mikla sögu en verð ég að viðurkenna að ég fýlaði mig þúsund sinnum betur á næsta áfangastað
okkar sem ég mun deila með ykkur næst ♡
KJÓLL: SELECTED TASKA: SAINT LAURENT SÓLGLERAUGU: QUAY AUSTRALIA
Halló frá hitanum á Ítalíu! Ég ætlaði að vera miklu duglegri að blogga á meðan ég væri úti en ég
komst að því stuttu eftir að ég kom að Ítalar eru ekki með bestu nettenginguna og er ég búin að
vera í takmörkuðu netsambandi seinustu tvær vikur og því hef ég einbeitt mér helst að því að deila
með ykkur ferðinni í gegnum Snapchat (@alexsandrabern) og Instagram (@alexsandrabernhard)
hjá mér. Nú er ég komin í ágætt samband og get byrjað að deila ferðinni með ykkur hér á blogginu
ásamt þeim þúsund myndum sem ég hef tekið. Við flugum út í byrjun Júní til Rómar þar sem við
eyddum þremur dögum og einmitt þar sem þessar myndir voru teknar. Við leigðum okkur íbúð þar
í gegnum Airbnb og vorum á æðislegum stað miðsvæðis - við eyddum dögunum okkar í Róm að
skoða okkur um, skoða hringleikhúsið, borða nóg af pasta og pítsum og bara njóta. Róm er mjög
falleg borg en á sama tíma vorum við öll mjög glöð að komast í burtu frá henni eftir tímann okkar
þar en magnið af sölumönnum á götunum er yfirgnæfandi og eru þeir mjög ágengir sem okkur fannst
mikill ókostur við borgina. Aftur á móti var maturinn, veðrið og sagan mjög heillandi.
Ég kíkti í eina af mína uppáhalds verslunum, Selected, áður en ég fór út og fékk að velja mér nokkrar
flíkur til að taka með mér út og er þessi dökkblái kjóll meðal þeirra. Ég heillaðist af honum um leið
og hef notað hann mikið hér úti. Hann er ótrúlega léttur og á þessum tíma meðgöngunar þegar ekkert
passar lengur þá er hann mjög kærkominn. Selected er bæði í Kringlunni og Smáralind og kostaði
kjóllinn 14.990 krónur ♡
Subscribe to:
Posts (Atom)