Þessi færsla er unnin í samstarfi við Selected.
Eins og ég er endalaust búin að vera að tala um þá er svo mikið af fallegum haustflíkum að streyma í
búðirnar um þessar mundir og gerir það mig ótrúlega spennta! Ég er alltaf sérstaklega spennt að sjá
hvað er að koma í Selected sem er ein af mínum uppáhalds verslunum hér heima. Um daginn kom
þessi gullfallega kápa í verslanir og ég var ekki lengi að næla mér í eitt stykki! Hún er gjörsamlega
fullkomin að mínu mati og er ég svo ánægð með hana - hún rauk út á aðeins nokkrum dögum eftir
að hún kom sem mér finnst nú ekki skrýtið. Ég beið því aðeins með að deila henni með ykkur (og
eignaðist meira að segja barn í millitíðinni eins og þið sjáið á myndunum) en loksins er hún komin
aftur í verslanir. Liturinn á henni er fullkominn og er sniðið á henni svo einfalt og klassískt - þetta
er flík sem ég mun eiga lengi og sem passar við gjörsamlega allt!
Kápan er núna komin aftur í verslanir Selected í Kringlunni og Smáralind og kostar hún
25.990 krónur.
Post a Comment
Þessi færsla er unnin í samstarfi við Lindex á Íslandi.
ótrúlega spennt að deila með ykkur þessum kjól úr meðgöngulínunni þeirra. Ég var búin að vera með
augun á honum í nokkrar vikur en mér finnst svo fallegt að klæðast aðsniðnum kjólum og peysum
þegar bumban er orðin ágætlega stór eins og mín er orðin. Hún tók góðan vaxtarkipp núna á bara
nokkrum dögum og því er ég svo ánægð að hafa nælt mér í kjólinn en ég hef mikið notað hann
síðan hann varð minn - fullkominn yfir meðgöngusokkabuxurnar úr Lindex og svo hendir maður
sér í fallegan léttann jakka eða kápu í haust. Ég nældi mér líka í nokkra gjafahaldara þegar ég
heimsótti verslunina um daginn ásamt meðgönguleggings en mér finnst nauðsynlegt að eiga eitt
stykki þannig þar sem þær eru svo þægilegar yfir þægilega peysu á letidögum ♡
Skyrtuna keypti ég mér sjálf.
Fyrir nokkrum vikum kom þessi fullkomna skyrta í Vero Moda en því miður missti ég af henni í það
skiptið. Það verður sífellt erfiðara að klæða sig með tímanum en ég er núna komin 27 vikur og er
bumban orðin smá fyrir - ég var þess vegna svo ánægð í gær þegar ég sá að skyrtan væri komin aftur
og dreif ég mig í Vero Moda í Kringlunni í dag til þess að næla mér í hana. Þar beið hún eftir mér en
hún kom í svörtu, túrkísbláu og gullfallegum karrýgulum lit - ég ákvað að fá mér hana í svörtu og er
það klárt mál að hún verður mikið notuð næstu mánuði. Hún er fullkomin yfir svartar gallabuxur og
fallega skó en ég myndi hafa hraðar hendur þar sem það var ekki mikið eftir af þeim þegar ég fór í
dag ♡
Skyrtan kostaði 6.990 krónur og fæst í Vero Moda Kringlunni og Smáralind.
ZARA skyrtukjóll H&M maternity gallabuxur BIRKENSTOCK sandalar SAINT LAURENT taska
LOKSINS! Er það ekki það sem við erum öll að segja - loksins fáum við almennilegt veður á þessu
skeri þetta sumarið. Þegar ég ímyndaði mér að vera í barneignarleyfi allt sumarið þá hugsaði ég um
að eyða miklum tíma á pallinum, niðrí bæ með vinkonum að njóta og í göngutúrum en nei, ég hef
eytt meirihlutanum af orlofinu inni vegna veðurs svo ég er ótrúlega ánægð að fá loksins tækifæri til
að eyða tíma úti og njóta sólarinnar. Það er einmitt það sem ég gerði í dag en ég kíkti í hádegismat
með Þórunni á Jamies Italian en pastað þar er svo ruglað gott að ég var að kreiva það. Við sátum þar
og spjölluðum og röltum svo aðeins um miðbæinn. Ég klæddist þessari skyrtu úr Zara sem ég keypti
mér fyrir stuttu en ég keypti mér hana í ólífugrænu þegar ég var stödd í Feneyjum og varð að eignast
hana í hvítu líka. Svo fullkomin ,,basic" flík sem passar við allt og það besta er að hana er hægt að
nota með bumbu og ekki - klárlega nýtt uppáhald í fataskápnum ♡
Subscribe to:
Posts (Atom)