Ég er ótrúlega spennt að segja ykkur örlítið frá einni vöru sem varð strax að uppáhaldi og ,,must
have" fyrir mig eftir að ég prófaði hana í fyrsta skiptið. Eins og ég hef sagt ykkur áður þá elska
ég Express Bronzing Mousse frá St. Tropez og hef notað hana reglulega í að verða ár - mér finnst
engin froða komast nær henni en hún gefur manni fallegan lit á einungis 3 klukkutímum en eini
gallinn við hana er lyktin af henni sem er þessi klassíska brúnkukremslykt. St. Tropez kom nýlega
með nýja brúnkufroðu á markað sem heitir Purity Bronzing Water Mousse og er hún allt öðruvísi
en Express froðan. Þetta er í raun létt vatn sem verður að froðu þegar það er kreist út og ilmar hún
svo vel - mér líður eins og ég sé mætt á sólarströnd sem er algjör kostur því það er gjörsamlega
engin brúnkukremslykt af henni, ekki einu sinni þegar hún hefur legið á húðinni í nokkra tíma.
Það eina sem mér finnst Express froðan hafa yfir þessa er að með hana sér maður hvar maður
hefur borið á sig og því aðeins auðveldara að fá jafnan lit en aftur á móti verð ég sjaldan flekkót
af Purity froðunni. Áferðin á henni er allt öðruvísi og er hún mun rakameiri heldur en hin og er
því ótrúlega auðvelt að bera hana á en ég nota alltaf hanska til þess. Purity froðan hefur einnig
þann kost að ekki þarf að skola hana af sem mér finnst geðveikt en ég þoli oft ekki að fara í
sturtu, skrúbba mig, setja svo á mig brúnku og þurfa svo að skola hana af eftir nokkra tíma. Með
þessa er það ekki nauðsynlegt, liturinn verður ótrúlega fallegur og náttúrulegur og maður lyktar
dásamlega. Þetta er vara sem er komin til að vera í minni rútínu - hún er einnig vegan, cruelty
free og inniheldur ekki paraben, súlföt og phtalates ♡
Post a Comment
Þessi færsla er ekki kostuð en inniheldur auglýsingalinka.
Það er ekki mjög langt síðan ég byrjaði að nota brúnkukrem reglulega - ég er með mjög ljósa húð og
áður fyrr nennti ég ekkert að vera að standa í því að nota brúnkukrem. Fyrr á árinu kynntist ég þessari
brúnkufroðu frá St. Tropez en báðar systur mínar notuðu hana og voru alltaf að lofsyngja hana svo ég
ákvað að gefa henni séns. Núna skil ég sko alveg hvað þær voru að meina en ég gjörsamlega elska
þessa froðu og nota ekkert annað en hana!
Það sem mér finnst þægilegast við þessa brúnku er að þetta er úr Express línunni hjá St. Tropez og
virkar varan þannig að þú berð froðuna á líkamann og bíður með hana á þér í 1 klst fyrir léttan lit,
2 klst fyrir miðlungs og 3 klst fyrir dökkan lit. Persónulega finnst mér ekkert verra en að setja á mig
brúnku og bíða svo með hana á mér í 8 klst - þessi tekur í mesta lagi 3 klst sem er algjör snilld. Það
er einnig mjög auðvelt að bera froðuna á húðina, það dreifist vel úr henni og maður sér litinn um
leið sem kemur í veg fyrir að maður verði flekkóttur. Eftir að ég kynntist þessari froðu þá get ég
eiginlega ekki verið án hennar og elska ég að vera með smá lit á mér, maður verður svo miklu
frísklegri. Froðuna nota ég þó ekki í andlitið en ég elska að nota maskann frá St. Tropez í það.
Annað sem er ótrúlega þægilegt er að vörurnar fást inn á nýrri vefverslun sem var að opna og
heitir Beautybox. Þar er hægt að versla vörur frá ýmsum merkjum og fá sent heim að dyrum ♡
Þessi færsla er unnin í samstarfi við St. Tropez á Íslandi // Vöruna fékk ég að gjöf.
Já, þið eruð að lesa rétt - ég er að blogga um brúnku. Þið vitið það eflaust langflest að ég er hvítari
en allt og í raun finnst mér það bara í lagi en upp á síðkastið hef ég af og til verið að setja á mig
brúnku og ég verð að viðurkenna, það lætur manni alveg líða aðeins betur að vera með smá lit á
sér. Ég hef prófað alveg nokkrar vörur, sumar hræðilegar en aðrar mjög góðar en ég ætla einmitt
að segja ykkur aðeins betur frá tveimur vörum sem ég er mjög ánægð með og hef verið að nota
seinustu vikur.
Varan heitir Luxe Dry Oil og er frá St. Tropez - ég fékk bæði fyrir andlit og fyrir líkamann og ég
verð að viðurkenna að ég var frekar smeyk við að prófa þær fyrst þegar ég fékk þær þar sem ég er
vön að nota froðu eða krem en ekki olíur. Ég ákvað að prófa þetta um daginn áður en ég fór til
Orlando þar sem ég vildi ekki vera algjör næpa á sundlaugarbakkanum og vá, olían kom mér
ekkert smá á óvart. Ég notaði hanskann frá St. Tropez til að bera hana á og ég var í smá veseni
fyrst þar sem þetta er aðeins erfiðari að bera á en froða en á endanum kom þetta. Það tók mig
kannski um 5 mínútur að bera á allan líkamann og það sem mér finnst vera þægilegast við olíuna
er að þú sérð hana á líkamanum um leið og þú berð hana á. Olían er þurrolía svo húðin verður
ekki blaut eða klístruð af henni sem er algjör snilld - ég setti olíuna á mig eftir sturtu áður en ég
fór að sofa og þegar ég vaknaði næsta dag fór ég í sturtu og skolaði mig. Liturinn kom mjög
vel út, var mjög jafn og mér fannst ég vera ekkert smá brún! Ég setti svo andlitsolíuna í andlitið
á mér og hún kom einnig mjög vel út, hún stíflaði ekki á mér húðina og þornaði einnig mjög
fljótt.
Ég get ekki mælt meira með þessari brúnku og ég er eiginlega spennt að nota hana aftur á
mig þar sem liturinn var svo fallegur - undirtónninn í brúnkunni er rauður en ekki grænn eins
og vanalega og hentar olían þurru húðinni minni mjög vel.
Vörurnar frá St. Tropez fást í verslunum Hagkaupa meðal annars.
Subscribe to:
Posts (Atom)