SKINCARE // DRUNK ELEPHANT

Þessi færsla er ekki kostuð.

Þið sem fylgist með mér á hinum miðlunum mínum, Snapchat og Instagram, hafið eflaust heyrt mig 

tala um vörurnar frá merkinu Drunk Elephant. Merkið fæst því miður ekki á Íslandi og ég veit að það

er frekar leiðinlegt að lesa um vörur sem eru ekki fáanlegar hér en það voru svo margir sem báðu mig

um færslu um þær vörur sem ég nota frá merkinu og einnig langar mig svo að deila þeim vörum með

ykkur. Þið getið nálgast vörurnar frá Drunk Elephant í Sephora og inn á heimasíðunni hjá Sephora og

Drunk Elephant - ég myndi klárlega nýta mér það ef þið þekkið einhvern sem er á leið til Kanada eða

Bandaríkjanna að kippa vörum með heim fyrir ykkur. Þið munuð sko ekki sjá eftir því! Ég ætla að

segja ykkur frá þeim vörum sem ég nota reglulega og eru í miklu uppáhaldi hjá mér en það voru þær

Gyða Dröfn og Þórunn Ívars, vinkonur mínar, sem kynntu mér fyrir þessu merki og vita þær alveg

hvað þær syngja þegar það kemur að húðumhirðu ♡

LALA RETRO WHIPPED CREAM

Þetta er fyrsta varan sem ég eignaðist frá merkinu en Þórunn var endalaust búin að tala um hversu 

gott þetta krem væri. Þetta er þeytt rakakrem sem inniheldur sex mismunandi tegundir af olíum og

er það að mínu mati eitt besta krem sem ég hef prófað. Það er ótrúlega þykkt og inniheldur mikinn

raka og myndi ég því mæla með því fyrir þurra/venjulega húð. Húðin mín er blönduð en ég kemst 

samt upp með að nota það - ég nota það bæði yfir nótt og svo undir farða en þá sleppi ég farðagrunn

og nota bara kremið. Mér finnst farðinn líta svo vel út á húðinni þegar ég nota kremið og mæli ég

svo með því. Það er nýkomið nýtt krem frá merkinu og get ég ekki beðið eftir að eignast það!

T.L.C. FRAMBOOS GLYCOLIC NIGHT SERUM

Þessi vara er ný í safninu mínu en hún er orðin ein af mínum uppáhalds á ansi stuttum tíma. Ég

fékk þessa í afmælisgjöf en þetta er næturserum sem var búið að vera á óskalistanum mínum ansi

lengi. Það inniheldur 12% AHA/BHA sýru sem hjálpar til við áferð og tekur í burtu allar dauðu

húðfrumurnar. Ég vakna með silkimjúka húð og finnst mér húðin mín hafa lagast mjög eftir að

ég byrjaði að nota þessa vöru. Ég nota hana á hreina húð áður en ég set svo á mig Lala Retro

kremið og er þetta fullkomin blanda.

B-HYDRA INTENSIVE HYDRATION GEL

Næst er það vara sem ég er nýlega byrjuð að prófa og er mjög hrifin! Þetta er rakagefandi gel

sem inniheldur B5 vítamín og viðheldur rakanum í húðinni yfir allan daginn. Ég nota þetta á

hreina húð á morgnanna og set svo Lala Retro rakakremið yfir en þrátt fyrir að kremið sjálft

sé mjög rakagefandi þá er þetta fullkomin vara til að nota í þessum kulda.

T.L.C. SUKARI BABYFACIAL

Næst er það vara sem er ,,must have" að mínu mati en þetta eru algjörir töfrar - þetta er svona ,,at 

home facial" en ég nota þetta einu sinni til tvisvar í viku og vá! Þetta er maski sem maður hefur á

húðinni í 20 mínútur og inniheldur hann 25% AHA og 2% BHA sýru sem vinnur á áferð húðarinnar

ásamt því að taka dauðar húðfrumur, vinna gegn fínum línum og örum og gefur húðinni ljóma. Ég

elska að nota þessa vöru og get ekki mælt meira með henni. Manni svíður smá í húðina eftir að 

maskinn er settur á en það fer á fyrstu mínútunum - eins og ég sagði, algjörir töfrar.

VIRGIN MARULA LUXURY FACIAL OIL

Eftir að ég tek af mér Babyfacialið þá nota ég þessa olíu sem er eiginlega hönnuð til að nota

með maskanum. Ég fýla vanalega ekki olíur en þessi er í miklu uppáhaldi hjá mér, þá sérstaklega

eftir þennan maska eða annan hreinsimaska. Olían er mjög nærandi, stútfull af andoxunarefnum og

nærir, róar og endurnýjar húðina ásamt því að gefa henni ljóma. 

Ég vona að ykkur hafi fundist gaman að lesa um uppáhalds vörurnar mínar frá Drunk Elephant en

það er langt síðan að ég hef verið svona skotin í einu merki. Ég hef ekki prófað neina vöru frá þeim

sem ég fýla ekki og er merkið sífellt að koma mér á óvart. Það sem mér finnst mjög sniðugt er að þau

eru líka með svona ,,minis" af öllum vörunum eða langflestum til sölu svo þú getur prófað þær áður 

en þú kaupir vörurnar í stórri stærð þar sem þær eru frekar dýrar. Ég á nokkrar svona ,,minis" vörur

og þannig byrjaði ást mín á merkinu en svo er líka bara svo þægilegt að eiga svona litlar vörur til

að ferðast með. Ég er til dæmis núna að prófa C-Firma Day Serum frá merkinu en ég á það í litlu

og held að ég verði að fá mér stórt þegar ég kemst næst í Sephora ásamt nýja kreminu sem var að

koma í sölu sem á að vera léttari en Lala Retro kremið.

Ég gæti ekki mælt meira með þessu merki en það hentar mér ótrúlega vel og er ég svo ánægð að

vera búin að finna það! Nú er bara að krossa fingur og vona að Drunk Elephant verði fáanlegt hér

heima á næstunni ♡