HOME CHANGES // VOL. II

Þessi færsla er ekki kostuð // Allar vörur keypti ég mér sjálf.

H&M HOME velúr púðaver     VIGT púðaver (fást HÉR)     H&M HOME prjónateppi

DORMA svefnsófi     HAY 60x60tray borð (fæst HÉR)     SÖSTRENE GRENE motta 

Jæja, þá er komið að næstu færslu um heimilisbreytingarnar. Ég talaði um á Snapchat að ég var

komin með smá ógeð á sófanum okkar en við keyptum hann fyrir þremur árum þegar við fluttum

inn - hann er ennþá í mjög góðu standi svo í staðinn fyrir að eyða óþarfa pening í nýjan sófa þá

ákvað ég að breyta aðeins rýminu með aukahlutum. Ég byrjaði á því að kaupa ný púðaver og 

teppi í sófann en ég keypti þessi dökkgráu velúr púðaver í H&M Home - þau koma svo vel út í

sófanum og gera rýmið svo notalegt. Ég setti svo tvo kodda með sem ég átti fyrir en þessi grái

er úr VIGT sem er ótrúlega falleg verslun í Grindavík og þessi munstraði er gamall úr Ilvu. Ég

er mjög ánægð með púðana en það sem er í uppáhaldi er þetta grófa prjónateppi sem ég var

ótrúlega heppin með að finna - það er úr H&M Home og var í svona körfu með restum og það

var á útsölu. Mig var búið að langa í svona gróft prjónateppi lengi en öll sem ég fann kostuðu

yfir 80 þúsund sem ég var ekki alveg til í að borga. 

Ég hélt að sjálfsögðu sófaborðinu en það kemur ekki til greina að skipta því út - það næsta sem

ég gerði var að skipta út mottunni undir sófanum en ég var með eldgamla og frekar lúna mottu

úr Ikea sem var orðin mjög sjúskuð. Ég sá þessa mottu í Söstrene Grene seinustu helgi og var 

ekkert smá heppin að rekast á hana þar en hún er því miður uppseld núna. Hún er gjörsamlega

fullkomin og er einmitt svona "moroccan inspired" eins og ég var að leitast eftir. Það besta var

að hún kostaði bara um 7.050 krónur og passar fullkomnlega! 

Það er alveg ótrúlegt hversu mikið litlar breytingar geta gert en mér finnst ég vera komin með

allt aðra stofu og nú fer sófinn ekkert í taugarnar á mér lengur. Ég var með myndahillu á veggnum

fyrir ofan sófann en ég tók hana burt um daginn og ætla ég að gera myndavegg eftir að ég mála

stofuna ljósgráa - hlakka til að deila útkomunni með ykkur ♡