GLAMGLOW: UPPÁHALDS MASKARNIR MÍNIR

Vörurnar í þessari færslu voru fengnar sem gjöf // Það hefur þó engin áhrif á skoðun mína.

Það er ansi langt síðan ég deildi með ykkur uppáhalds snyrtivörunum mínum en í dag langar mig að
deila með ykkur uppáhalds möskunum mínum frá GLAMGLOW. Ég get eiginlega ekki sagt ykkur
hversu spennt ég var þegar GLAMGLOW kom í sölu hér á Íslandi en áður fyrr hafði ég alltaf keypt
vörur frá merkinu í Bandaríkjunum. Það er ein vara frá merkinu sem stendur augljóslega upp úr hjá
mér en ég er núna á þriðju dollunni af henni - ég er að sjálfsögðu að tala um Supermud maskann sem
er án efa langbesti hreinsimaski sem ég hef nokkurn tíman prófað og treystið mér, ég hef prófað ansi
marga! 

Supermud maskinn er vinsælasti maskinn frá Glamglow og kemur það mér alls ekki á óvart. Þetta
er hinn fullkomni hreinsimaski en auk þess að gera hið augljósa, að hreinsa húðina, þá gerir hann
húðina svo mjúka, vinnur á ýmsum vandamálum og mattar hann einnig húðina. Ég er ekki með
mikla vandamálahúð en eftir að ég byrjaði að vinna sem flugfreyja þá finn ég að ég þarf að hugsa
extra vel um húðina og mér finnst því gott að nota þennan maska 1-3x í mánuði til þess að hreinsa
húðina extra vel og jafnvel oftar þegar ég er með bólur. Við erum að tala um að hann er það góður
og virkur að ég finn liggur við óhreinindin fara úr húðinni! Eftir svona maska þá er nauðsynlegt
fyrir húðina að fá góðan raka en þá finnst mér fullkomið að nota rakamaska eftir á. Ég kynntist
rakamaskanum frá GLAMGLOW sem heitir Thirstymud um jólin en ég fékk litla krukku af honum
í jólagjöf og vá, hann kom mér verulega á óvart. Mér finnst fullkomið að nota hann eftir hreinsunina
og þá set ég örþunnt lag af honum á húðina og sef með hann - það er bókað mál að ég vakna með
ljómandi húð eftir hann ♡

Maskarnir frá GLAMGLOW ásamt fleiri vörum fást í Hagkaup Kringlunni og Lyf & Heilsu
Kringlunni - mæli með að kíkja!