PERSONAL: frá mér til ykkar

Helgin var ansi viðburðarík í íslenska bloggheiminum og ég held að það hafi ekki farið framhjá

neinum. Ég tók þessu alls ekki persónulega, enda geri ég mér grein fyrir því að blogg eru ekki

fyrir alla. Ég verð samt að viðurkenna að mér fannst alls ekki gaman að lesa hvað sumir höfðu

að segja um íslensk blogg í dag, að bloggarar væru veruleikafirrtir, yfirborðskenndir og væru að

auglýsa "glanslíf" á bloggunum sínum ásamt því að fiska eftir hrósum. 

Mig langaði bara aðeins að segja ykkur mína hlið. Ég vona innilega að fólk fái ekki þessa mynd

af mér þegar það les bloggið mitt. Ég byrjaði að blogga reglulega árið 2012 þegar ég bjó erlendis

og var það leið til að leyfa fjölskyldunni minni og vinum að fylgjast með litla ævintýrinu okkar.

Á þeim tíma uppgvötaði ég svo alla þessa helstu erlendu tískubloggara og fékk innblástur til að

blogga meira um tísku, hönnun og ákvað því að byrja að blogga eins og ég geri í dag. Ég er ekki

að fiska eftir hrósum með outfit færslunum, heldur er það leið fyrir mig til að vera skapandi þar

sem mér finnst mjög gaman að setja saman falleg outfit sem mér líður vel í. Tilgangurinn með 

þeim er að veita lesendum mínum innblástur, því sjálf sæki ég innblástur í aðra bloggara.

Ég blogga því mér finnst það gaman. Þetta er eitt það skemmtilegasta sem ég hef gert og er 

bloggið orðið stór partur af lífinu mínu. Mér finnst æðislegt hversu margir lesa bloggið og er

ég ævinlega þakklát fyrir allan stuðninginn ykkar. Myndirnar hér fyrir ofan sína hvernig ég

er flest alla daga - í leggings, þæginlegri peysu og ómáluð upp í sófa að læra. Lífið mitt er
alls ekki fullkomið þó svo að bloggið og Instagram sýni bara góðu stundirnar. Ég hef alltaf
lagt mikla áherslu á það að vera ég sjálf og vera góð fyrirmynd - það er það sem skiptir 
máli að mínu mati.

Tilgangur bloggsins er að veita lesendum innblástur og ég vona að lesendur geta sest

niður eftir langan dag og notið þess að skoða bloggið og það sem ég hef að sýna ykkur.

Mér finnst æðislegt að bloggmenningin á Íslandi er að vaxa og ég vona að við getum öll

fagnað fjölbreytileikanum og verið við sjálfar - það er það sem skiptir máli. Ég hef lært
að láta skoðanir annarra ekki hafa áhrif á mig og ég held áfram að elta draumana mína.

Takk fyrir að lesa ♥