4 YEARS + GJAFALEIKUR

Í fyrradag varð bloggið 4 ára - ég einfaldlega trúi því ekki að ég er búin að vera hér svona lengi

en bloggið hefur þróast ótrúlega mikið síðan ég byrjaði. Í byrjun tók ég þessu ekki alvarlega enda

var bloggið lítið og ég bloggaði bara um hvað sem er. Það var ekki fyrr en árið 2012 þegar ég tók

það aðeins alvarlegra. Við fluttum þá til Los Angeles og ég notaði bloggið til að segja frá lífinu

okkar þar og var það í byrjun bara fyrir fjölskyldu og vini en lesendahópurinn byrjaði fljótt að

stækka ört. Ég verð að viðurkenna að ég átti smá erfitt með að halda áfram að blogga eftir að

við fluttum heim þar sem það var svo skemmtilegt að blogga frá LA en ég held að ég hafi bara

staðið mig nokkuð vel hingað til. Mig hlakkar til að halda áfram og verður sumarið spennandi

þar sem ég verð á flakki erlendis og svo er planið á næsta ári að flytja erlendis aftur. Ég ætlaði

að hafa svakalega flottan gjafaleik handa ykkur en þar sem ég er bæði að undirbúa mig fyrir

lokapróf og námskeið fyrir sumarvinnuna þá var mjög lítill tími til að setja hann saman. Ég

er þó með smá glaðning handa ykkur.

Ég ætla að gefa tveimur lesendum sitthvort gjafabréfið í verslanir Vila og Vero Moda upp á

5.000 kr. Til að taka þátt skildu eftir nafn og netfang í athugasemdum - ég dreg út tvo heppna

lesendur eftir páska! Takk fyrir að lesa x